Stanislav Reshetnyak, një bloger rus i cili njihet me emrin Stas Reeflay në internet, u dënua me gjashtë vjet burg pasi duket se detyroi të dashurën e tij të dilte jashtë në të ftohtë gjatë një transmetimi, ku ajo vdiq nga hipotermia.
Në transmetimin e drejtpërdrejtë të incidentit nga dhjetori i vitit 2020, e dashura e Reshetnyak, Valentina Grigoryeva, kishte veshur vetëm të brendshme kur me sa duket u detyrua të dilte në ballkon.
Ai më vonë u duk se e kuptoi që ajo nuk po merrte frymë dhe thirri mjekët, të cilët i thanë se ajo kishte vdekur, raportojnë mediet e huaja.
“E dashura ime, çfarë ndodhi me ty?”, Reshetnyak thoshe derisa ishte ende në transmetim, pasi e futi atë përsëri brenda, raportoi The Sun. “Djema … pa puls … ajo është e zbehtë. Ajo nuk po merr frymë”.
Pas transmetimit, filloi një “hetim urgjent”, sipas The Mirror, dhe Reshetnyak u dërgua në paraburgim.
Sipas medieve ruse, 30-vjeçari u shpall fajtor për vrasje pa paramendim të martën. Reshetnyak do të dërgohet në një “koloni burgu me siguri maksimale”.
