Kufoma e një modeleje ruse është gjetur e fshehur në një valixhe kur ka kaluar më shumë se një vit që ajo u zhduk.
23 vjeçarja, Gretta Vedler u vra një muaj pasi ajo postoi në mediat sociale duke e quajtur presidentin rus Vladimir Putin një "psikopat", dhe parashikoi se përpjekjet e tij për të “rritur integritetin e Rusisë” do të përfundonin me lot, shkruan The Sun, përcjellë “Bota sot”.
Ish i dashuri i saj “xheloz” Dmitry Korovin, 23 vjeç, ka rrëfyer më shumë se një vit më vonë se e mbyti për vdekje pas një grindjeje për paratë në Moskë që nuk kishin lidhje me pikëpamjet e saj politike dhe analizën e mendjes dhe motiveve të Putinit.
Ai u tha hetuesve se kishte fjetur në një dhomë hoteli për tre netë me kufomën e saj, të cilën e vendosi në një valixhe të sapo blerë.
Pastaj ai e çoi trupin e saj 300 milje në rajonin e Lipetsk dhe e la në bagazhin e një makine për më shumë se një vit.
Ai vazhdoi të postonte foto dhe mesazhe në rrjetet sociale të modeles, për t'i bërë miqtë të besonin se ajo ishte ende gjallë, u tha Korovin detektivëve.
Një mashkull i quajtur Evgeniy Foster - bloger në Kharkiv, qytet ukrainas i goditur nga forcat ruse, dyshoi dhe e gjeti një mik në Moskë për të paraqitur një çështje të personit të zhdukur, duke shkaktuar një kërkim që përfundimisht qoi në gjetjen e trupit të saj.
Një video nga Komiteti Hetimor i Rusisë tregon Korovin që dyshohet se demonstron se si e vrau modelen dhe bën tregon rrëfimin e plotë.
Postimet e saj parashikuese për Putinin në janar 2021, një muaj para se të vritej, nuk shihen si lidhje me vdekjen e saj, por janë rrëqethëse në dritën e ngjarjeve të mëvonshme.
Ajo ishte e shqetësuar për shtypjen e tij ndaj protestave dhe atë që ajo e shihte si një dëshirë për të krijuar një Rusi më të madhe.
“Duke pasur parasysh faktin se Putini kaloi shumë poshtërime në fëmijëri, ai nuk mundi të ngrihej për veten për shkak të formës së tij [të lehtë] fizike, nuk është për t'u habitur që ai u largua pas shkollës juridike dhe iu bashkua KGB-së,” shkroi Gretta Vedler.
“Njerëz të tillë janë të ndrojtur dhe të frikësuar që në fëmijëri, kanë frikë nga zhurma dhe errësira, të huajt, kështu që tipare të tilla si kujdesi, përmbajtja dhe mungesa e komunikimit zhvillohen herët në karakterin e tyre. Unë vetëm mund të supozoj, për mendimin tim, tek ai shihet një psikopati ose sociopati e qartë”.
Ajo u tha ndjekësve të saj: "Për psikopatët, është e rëndësishme të përjetojnë vazhdimisht një ndjenjë të plotësisë dhe mprehtësisë së jetës, kështu që ata e duan rrezikun, përvojat intensive, komunikimin intensiv, aktivitetin intensiv - një jetë intensive dhe dinamike. Ndoshta ai me të vërtetë dëshiron të rrisë integritetin e Rusisë dhe sinqerisht dëshiron të mirën për rusët. Por a mund të bëjë ai vërtet ndonjë gjë?".
Ajo e bëri të qartë se kishte dyshime të mëdha.
"Unë mendoj se ju e dini përgjigjen e kësaj pyetjeje vetë," shkroi Gretta Vedler./ Bota sot
