LIVE: Ukraina merr vendim të prerë për Korenë e Veriut/ SHBA edhe një herë “ua tregon dhëmbët” Kinës e Rusisë

Një seri sulmesh nga Ukraina ka shkatërruar tre tanke ruse T-72, një stacion radar dhe pajisje të tjera, njoftuan të mërkurën Forcat e Mbrojtjes Territoriale (TDF) të Forcave të Armatosura të Ukrainës.

TDF publikoi një video në Twitter që së pari identifikonte objektivat e ndryshëm të sulmeve nga lart.

Videoja rrethon shkurtimisht çdo vend me të kuqe, por shumica e pajisjeve duket se janë të fshehura mes pemëve dhe gjetheve të tjera. Më pas videoja kalon në një këndvështrim tjetër që tregon një sipërfaqe të gjerë toke në distancë.

Tymi në formë të reve fillojnë të ngrihen nga toka gjatë një vargu të shpejtë shpërthimesh të njëpasnjëshme. Më shumë se një duzinë pikash tregohen duke u goditur në video.

Ajo kthehet në një pamje të sipërme më afër zonës, e cila u sulmua në një operacion të përbashkët nga TDF dhe disa njësi të tjera nga ushtria e Ukrainës. Disa figura, me sa duket rusë, shihen duke vrapuar për të hipur në një kamion.

Forcat e armatosura të Ukrainës kohët e fundit thanë se më shumë se 37 mijë ushtarë rusë ishin vrarë që nga fillimi i luftës, megjithëse Rusia nuk ka dhënë asnjë vlerësim për humbjet e saj që nga fundi i marsit, kur Moska i tha medias shtetërore se 1,351 ushtarë kishin vdekur.

Ukraina ka shkëputur raportet me Korenë e Veriut më 13 korrik pasi Phenjani njohu dy territore në lindje të Ukrainës, si territore të pavarura.

“Ne vlerësojmë se ky vendim është përpjekje nga Phenjani për të minuar sovranitetin dhe integritetin territorial të Ukrainës”, tha Ministria e Jashtme e Ukrainës përmes një deklarate të publikuar në ueb-faqen e saj.

“Njohja nga Koreja e Veriut e ‘subjektivitetit’ të regjimeve pushtuese ruse në rajonet e Donjeckut dhe Luhanskut është e pavlefshme, nuk do të ketë pasoja ligjore dhe nuk do të ndryshojë kufijtë e njohur ndërkombëtarisht të Ukrainës”, u tha në deklaratë.

Më herët gjatë 13 korrikut, mediat ruse raportuan se Koreja e Veriut ka njohur “pavarësinë” e pjesëve të rajoneve të Donjeckut dhe Luhanskut që janë të pushtuara nga separatistët e mbështetur nga Rusia.

Në deklaratën e Ministrisë së Jashtme ukrainase po ashtu u dënua vendimi i Koresë së Veriut dhe u tha se në përgjigje të këtij “akti jomiqësor” Ukraina do të shkëpusë raportet diplomatike me Phenjianin. Kontaktet politike dhe ekonomike veçse janë pezulluar për shkak të sanksioneve ndërkombëtare të vendosura ndaj Koresë së Veriut për shkak të programit të saj bërthamor.

Ministri i Jashtëm ukrainas, Dmitry Kuleba, tha se vendimi i Koresë së Veriut më shumë flet për “toksicitetin” e Moskës sesa të Phenjanit.

“Rusia më nuk ka aleat në botë, përveç të atyre shteteve që varen financiarisht dhe politikisht dhe niveli i izolimit të Federatës Ruse shpejt do të arrijë në nivelin e izolimit të Koresë së Veriut. Ukraina do të vazhdojë të përgjigjet ashpër në përpjekjet për cenimin e sovranitetit dhe integritetit territorial”, tha Kuleba.

Ambasada e Koresë së Veriut në Moskë ka konfirmuar vendimin e Phenjanit, duke e bërë Korenë e Veriut vetëm vendin e tretë në botë, pas Rusisë dhe Sirisë, që kanë njohur pavarësinë e dy entiteteve të Ukrainës në rajonin e Donbasit./REL

Forcat Ajrore të SHBA-së kanë testuar me sukses një raketë hipersonike, thonë burimet.

Raketat hipersonike janë krijuar për të udhëtuar me shpejtësi që tejkalojnë 5 Mach (pesë herë shpejtësinë e zërit) në atmosferën e sipërme, përcjell Bota sot.

Suksesi i raportuar i lëshimit amerikan vjen mes frikës se Rusia dhe Kina janë më tej në zhvillimin e raketave të tyre hipersonike.

Forcat Ajrore të SHBA-së testuan me sukses armët e saj të reagimit të shpejtë të lëshuar nga ajri (ARRW) të martën në brigjet e Kalifornisë, sipas burimeve.

Një gjykatë në Moskë ka urdhëruar arrestimin e Ilya Yashin, një lider i opozitës dhe kritik i Kremlinit, me dyshimin për "përhapje të informacionit të rremë" në lidhje me luftën në Ukrainë, përcjell Bota sot.

Meduza.io raportoi se 39-vjeçari tani përballet me 15 vjet burg.

Akuzat erdhën pasi Yashin bëri një transmetim të drejtpërdrejtë në YouTube, ku ai foli për vrasjen e qindra civilëve në periferi të Kievit, Bucha.

Të premten, ligjvënësi komunal Aleksey Gorinov u bë rus i parë që u dënua me shtatë vjet burg për "përhapje informacioni të rremë" rreth luftës.

Nuk është sekret që Evropa është kryesisht e varur nga gazi rus. Sipas Eurostat, 38,7% e gazit natyror të importuar nga Evropa në vitin 2021 erdhi nga Rusia. Për këtë arsye, “Kontinenti i vjetër” ka frikë se mos Kremlini vendos të ndërpresë plotësisht furnizimin. Çfarë do të ndodhte nëse Rusia do të mbyllte rubinetin?

Presidentja e Komisionit Evropian, Úrsula von der Leyen, ka paralajmëruar tashmë se ne duhet të jemi “të përgatitur për më të keqen”. Për këtë arsye, Evropa e ka ulur tashmë varësinë e saj nga gazi rus në 20%, sipas qendrës së studimeve ekonomike Bruegel. Por kjo nuk mjafton. Dimri po vjen dhe kërkesa për gaz do të rritet sërish.

Disa vende evropiane do të vuanin më shumë se të tjerat nga mungesa e gazit rus. Nëse Moska më në fund vendos të mbyllë rubinetin, ulja e kërkesës mund të arrijë në 54% në rastet më ekstreme, domethënë në Finlandë, Estoni, Lituani dhe Letoni, sipas Bruegel. Pas tyre, Bullgaria, Greqia, Hungaria, Kroacia dhe Serbia do të shfaqnin një ulje prej 49%.

Këto dy do të ishin blloqet kryesore që do të vuanin pasojat e mungesës së gazit rus. Pjesa tjetër e grupeve do të shihnin një ulje të ofertës midis 29% dhe 21%, me Gjermaninë në krye dhe Danimarkën ose Suedinë, me rreth 20%. Belgjika, Luksemburgu dhe Holanda do të duhet të zbutin konsumin e tyre me 16%, ndërsa Italia do ta bënte këtë me 9%.

Delegacionet ruse dhe ukrainase të mbrojtjes kanë përfunduar bisedimet e tyre me dyer të mbyllura për zhbllokimin e eksporteve të grurit në Detin e Zi, tha ministria turke e mbrojtjes, pa dhënë detaje.

Ministria turke lëshoi një deklaratë me një fjali duke thënë se bisedimet kishin "mbaruar".

Ajo nuk specifikoi nëse ishte bërë ndonjë përparim në negociatat e para të drejtpërdrejta midis dy palëve që nga marsi.

Forcat ajrore të Ukrainës kanë mohuar se forcat ruse kanë rrëzuar katër avionë ushtarakë, përcjell Bota sot.

Siç kemi thënë më parë, ministria ruse e mbrojtjes tha se forcat e saj kishin shkatërruar një Su-25 dhe Su-24 - të dy avionë të epokës sovjetike të përdorur nga forcat ajrore ukrainase - mbi rajonin Donetsk të Ukrainës lindore së bashku me një tjetër Su-25 dhe një Mig-29, një tjetër avion luftarak i projektuar nga sovjetikët, në rajonin Mykolaiv të Ukrainës jugore.

Zëdhënësi i Forcave Ajrore të Ukrainës Yuriy Ihnat e hodhi poshtë pohimin si propagandë.

Granatimet ruse të Ukrainës vranë të paktën pesë civilë dhe plagosën 18 të tjerë gjatë 24 orëve të fundit, njoftoi të mërkurën zyra e presidentit të Ukrainës, përcjell Bota sot

Granatimet ruse të Ukrainës vranë të paktën pesë civilë dhe plagosën 18 të tjerë gjatë 24 orëve të fundit, njoftoi të mërkurën zyra e presidentit të Ukrainës, përcjell Bota sot

ADVERTISING

Shumica e vdekjeve ndodhën në provincën Donetsk, e cila është bërë fokusi i luftimeve aktuale.

Qyteti i Bakhmut u përball me granatime veçanërisht të rënda, tha shefi administrativ i Donetsk, Pavlo Kyrylenko.

Në provincën ngjitur Luhansk, të cilën forcat ruse dhe separatiste e kanë pushtuar, guvernatori Serhiy Haidai tha se ushtarët ukrainas janë ende duke luftuar për të mbajtur kontrollin e dy fshatrave në periferi.

Oblastet e Luhanskut dhe Donetskut së bashku përbëjnë rajonin e Donbasit të Ukrainës.

Zoti Haidai tha se rusët "qëllimisht po e kthejnë Donbasin në hi dhe thjesht nuk do të ketë njerëz në territoret e kapur".

Artileria ruse u qëllua edhe në qytetin Kharkiv, në verilindje të Ukrainës, ku një guvernator rajonal, Oleg Syniehubov, akuzoi forcat ruse se po përpiqeshin të "terrorizonin civilët".

Republika Popullore Demokratike e Koresë (DPRK), e quajtur më së shpeshti si Koreja e Veriut, ka njohur zyrtarisht Republikën e vetëshpallur Popullore të Donetskut dhe Republikën Popullore të Luhanskut.

Këto dy territore janë pjesë zyrtare të shtetit ukrainas, por të cilat janë okupuar nga forcat ruse, raporton theguardian.

DPRK bëhet vetëm shteti i tretë anëtar i OKB-së që i njeh ato si autoritete legjitime.

Kujtojmë se Rusia është një ndër shtetet që i ka njohur si të pavarura këto dy territore gjersa javë më parë të njëjtën gjë e ka bërë edhe Siria.

Theksojmë se shteti rus ka nisur pushtimin e Ukrainës më 24 shkurt dhe deri më tani ka shkaktuar viktima të shumta dhe mijëra viktima.

Ndryshe, Ukraina dhe shtetet perëndimore nuk i njohim këto territore si pavarura si dhe të shumica dërmuese e shteteve anëtare të Kombeve të Bashkuara. 

Gjiganti danez i prodhimit të lodrave, Lego, ka thënë se do të ndalojë së vepruari në Rusi për një kohë të pacaktuar.

Firma ndaloi dërgimin e produkteve në Rusi në mars pas pushtimit të vendit në Ukrainë, por dyqanet e saj mbetën të hapura pasi shumica e shitësve rivalë u tërhoqën.

Lego tha se tani do t'i jepte fund partneritetit me Inventive Retail Group, i cili drejton 81 dyqane në emër të Lego, raporton BBC. 

Një zëdhënëse e Lego tha: "Kur Lego Group ndaloi dërgesat në Rusi në fillim të marsit, ne gjithashtu pushuam të gjithë aktivitetin tregtar dhe vendosëm pothuajse të gjithë punonjësit tanë në pushim të zgjatur".

Firma tha se po shkurtonte pjesën më të madhe të ekipit të saj me bazë në Moskë dhe kishte "siguruar 70 punonjës me paketa financiare për t'i mbështetur ata ndërsa ata kërkojnë mundësi të reja".

Lego është një prej brendeve perëndimore që mbetën në Rusi pasi kompanitë e tjera të mëdha mbyllën faqet e tyre në vazhdën e sulmit të Kremlinit ndaj Ukrainës.