Kryeministri polak Mateusz Morawiecki ka thënë në momentet e fundit se Polonia "nuk mund të përjashtojë" që sulmi me raketa pranë kufirit ukrainas "është një provokim", përcjell Bota sot.
Megjithatë, ai përsëriti se "Polonia është e sigurt".
Morawiecki tha: "Ne nuk mund të përjashtojmë që bombardimi i infrastrukturës ukrainase pranë kufirit ishte një provokim i qëllimshëm i bërë me shpresën se një situatë e tillë mund të lindte".
Kjo vjen pasi NATO dhe presidenti polak ranë dakord se goditja - e cila vrau dy njerëz në Poloninë lindore - ishte "ndoshta" një raketë e humbur ukrainase e mbrojtjes ajrore.
Presidenti Andrzej Duda tha se nuk kishte asnjë tregues se shpërthimi ishte një "sulm i qëllimshëm", duke e përshkruar atë si një aksident fatkeq.
“Nga informacioni që kemi ne dhe aleatët tanë, ishte një raketë S-300 e prodhuar në Bashkimin Sovjetik, një raketë e vjetër dhe nuk ka asnjë provë që të ishte lëshuar nga pala ruse”, tha zoti Duda.
"Ka shumë të ngjarë që të jetë qëlluar nga mbrojtja kundërajrore e Ukrainës."
