Forcat talibane i kanë vrarë gjashtë anëtarë të grupit të armatosur të ISIL (ISIS) në provincën veriore të Afganistanit, Balkh gjatë një bastisjeje natën, tha të martën një zëdhënës i talibanëve.
Bastisja vjen pasi talibanët kanë vendosur që të sulmojnë degën e ISIS-it, në provincën Khorasan (ISKP), i cili ka kryer disa sulme vdekjeprurëse në muajt e fundit duke vrarë dhjetëra njerëz, duke përfshirë guvernatorin e Balkhut, Mohammad Dawood Muzammil.
Sipas Mohammad Asif Weziri, një zëdhënës i shefit të policisë në Balkh, operacioni të hënën vonë në mbrëmje kishte në shënjestër një strehë të ISIL në distriktin Nahri Shahi. Gjashtë anëtarë të grupit të armatosur u vranë, shtoi ai.
Muzammil ishte i njohur për rezistencën e tij ndaj ISIL në zonë. Grupi është shfaqur si kërcënimi më i madh i sigurisë për talibanët, të cilët pushtuan Afganistanin në gusht të vitit 2021, pasi forcat e huaja të udhëhequra nga SHBA u tërhoqën pas 20 vitesh luftë, shkruan AlJazeera.
