Udhëheqësi i Ukrainës mori pjesë në samitin e G7 për të mbledhur mbështetjen për vendin e tij përballë agresionit rus, përcjell Bota sot.
Ai tha se kishte një takim me presidentin e Koresë së Jugut Toon Suk Yeol dhe e falënderoi atë për "ndihmën humanitare dhe jovdekjeprurëse" për Ukrainën dhe për "makinat e çminimit".
Z. Zelenskyy po zhvillonte dy raunde të mëdha takimesh të dielën, një me liderët e G7-ës vetëm dhe një të dytë me grupin dhe një mori mysafirësh të ftuar përfshirë Indinë, Korenë e Jugut dhe Brazilin. Ai gjithashtu zhvilloi bisedime kokë më kokë me disa nga udhëheqësit, duke përfshirë presidentin e SHBA Joe Biden.
Javën e kaluar, zonja e parë ukrainase Olena Zelenska vizitoi Korenë e Jugut për të marrë pjesë në një konferencë mediatike dhe u takua me Yoon.
Ajo i kërkoi atij ndihmë ushtarake jo-vdekjeprurëse për vendin e saj, sipas zyrës presidenciale të Koresë së Jugut.
Një ditë pas kësaj kërkese, Seuli njoftoi një marrëveshje me Ukrainën mbi një plan për të ofruar 130 milion dollarë ndihmë financiare.
Koreja e Jugut, një prodhues i madh i predhave të artilerisë, ka thënë se nuk po ofronte armë vdekjeprurëse për Ukrainën, duke përmendur marrëdhëniet e saj me Rusinë.
