Të paktën 10 persona kanë humbur jetën pasi një autobus u përplas në New South Wales, Australi.
Ky është një nga aksidentet rrugore më vdekjeprurëse në Australi në dekadat e fundit.
Aksidenti ndodhi pak pas orës 23:30 (me orën lokale) të dielën kur një autobus u përplas në një rrethrrotullim.
“Nga hetimet fillestare rezulton se kanë humbur jetën 10 persona. Njëmbëdhjetë persona u dërguan në spital me helikopter për trajtime,” tha Policia e NSW.
Shoferi i autobusit, një 58-vjeçar, u dërgua në spital nën rojen e policisë për t’u marrë në pyetje. Ende nuk janë bërë të ditura shkaqet e aksidentit fatal, por vendi i tragjedisë do të hetohet nga autoritetet.
