Raketat ruse goditën qendrën e qytetit të Kharkiv-it në Ukrainën lindore gjatë orëve të para të së dielës, sipas kryetarit të bashkisë së qytetit, Ihor Terekhov.
Një nga goditjet u regjistrua në lagjen Shevchenkivskyi dhe nuk shkaktoi asnjë dëm, tha Terekhov, shkruan CNN.
“Sa i përket pjesës tjetër të sulmeve raketore, Shërbimi Shtetëror i Emergjencave po inspekton zonën. Ka shumë të ngjarë që Kharkiv të jetë goditur nga raketat S-300,” tha ai, duke iu referuar një lloji rakete me rreze të gjatë veprimi që përdoret zakonisht nga Rusia . që është e aftë për shkatërrim të konsiderueshëm.
Kryebashkiaku tha se për momentin nuk ka informacione për viktima.
I vendosur në Ukrainën verilindore, Kharkiv është qyteti dhe bashkia e dytë më e madhe e vendit dhe u konsiderua një objektiv kryesor për ushtrinë ruse në fillim të pushtimit.
