Ekuadorianët do të zgjedhin një president të ri të dielën, më pak se dy javë pasi vendi i Amerikës së Jugut u trondit nga vrasja e një prej kandidatëve, një krim që nxori në pah frikën e njerëzve për dhunën e paparë në vendin e tyre dikur të qetë.
Fituesi përballet me një kërkesë universale për siguri, por se si administrata e ardhshme do të financojë premtimet për luftimin e krimit mbetet për t’u parë.
Pjesa më e madhe e shoqërisë gjithnjë e më të polarizuar të vendit, dëshiron prosperitetin e parë nën presidencën e Rafael Correas, tani një i arratisur nga drejtësia ekuadoriane, por pak e pranojnë lehtësisht se e la vendin me një deficit të madh fiskal dhe miliarda borxhe.
Fletëvotimi i së dielës mban emrat e tetë kandidatëve, duke përfshirë Fernando Villavicencio, kryqtarin kundër-korrupsionit, i cili u vra më 9 gusht ndërsa po largohej nga një tubim fushate në Kuito, kryeqytet.
Ai ishte i treti, dhe më i spikaturi në një varg vrasjesh të liderëve politikë këtë vit.
Votimi në Ekuador është i detyrueshëm për personat e moshës 18 deri në 64 vjeç,shkruan AP
Frika nga dhuna pas vrasjes së Villavicencios mund të “ulë pjesëmarrjen për shkak të frikës së njerëzve edhe për të dalë për të votuar”, tha John Walsh, drejtor për politikën e drogës dhe Andeve në Institutin e Uashingtonit për Amerikën Latine.
Disa votues mund të zgjedhin të paguajnë vetëm një gjobë prej rreth 45 dollarë, në vend që të rrezikojnë një udhëtim në qendrat e votimit.
