Udhëheqësi i Koresë së Veriut Kim Jong Un përfundoi udhëtimin e tij në Rusi të dielën, njoftoi agjencia shtetërore ruse e lajmeve RIA Novosti.
Në një video të publikuar nga RIA, Kim shihet duke hipur në trenin e tij personal të blinduar. Zyrtarët rusë shihen duke përshëndetur ndërsa treni largohet nga stacioni, shkruan CNN, përcjell “Bota sot”.
Treni u largua nga stacioni Artyom pas një ceremonie lamtumire e cila përfshinte tapetin e kuq dhe rojet e nderit, tha RIA. Treni pritet të udhëtojë më shumë se 200 kilometra nga Artyom në qytetin kufitar të Khasan, tha media shtetërore.
Para se të largohej, koreano-veriori mori një jelek antiplumb dhe një grup dronësh të prodhuar në rajonin e Primorye si dhuratë nga guvernatori i tij lokal Oleg Kozhemyako, raportoi media shtetërore ruse TASS.
Kim iu prezantuan gjithashtu pesë dronë kamikaze të prodhuar në Primorye, si dhe një dron zbulimi të tipit aeroplan Geranium-25, raportoi TASS, duke shtuar se një grup veshjesh speciale që janë të padukshme për kamerat e imazhit termik ishte një dhuratë shtesë.
