Banorëve të Sevastopolit u është thënë “të mos shqetësohen” nëse dëgjojnë zhurma që vijnë nga qendra e qytetit pas sulmit të Ukrainës gjatë fundjavës.
Mikhail Razvozhaev, guvernatori i Sevastopolit, sqaroi se “tingulli i shurdhër” që mund të dëgjohej vjen si rezultat i një “shpërthimi të kontrolluar” të strukturave në selinë e Flotës së Detit të Zi.
Më vonë, Razvozhaev tha se një tjetër shpërthim i kontrolluar për shembjen e strukturave të emergjencës në ndërtesën e Flotës së Detit të Zi do të kryhet në orën 11:25.
Puna do të vazhdojë afërsisht deri në orën 14.00. Nëse dëgjoni zhurma të forta mos u shqetësoni, situata është nën kontroll.
Vlen të theksohet se, Ukraina nisi një tjetër sulm me raketa në Sevastopol në gadishullin e okupuar të Krimesë të shtunën, një ditë pasi një sulm në selinë e flotës ruse të Detit të Zi që la një ushtarak të zhdukur dhe ndërtesën kryesore duke u djegur.
Qyteti u vu nën alarm sulmi ajror për rreth një orë pasi mbetjet nga raketat e kapura ranë pranë një skele, tha zoti Razvozhayev. Ai më vonë shtoi se një fragment tjetër rakete ra në një park në veri të Sevastopolit, pjesë të të cilit duhej të rrethoheshin. Trafiku i trageteve në zonë u ndal përkohësisht për të rifilluar më pas sërish.
