Një studim i ri i bërë nga Revista e Trajtimit të Varësisë, ka zbuluar shtetet që kanë prevalencën më të lartë dhe më të ulët të pirjes së alkoolit tek të miturit.
Studiuesit monitoruan numrin e të rinjve midis moshës 12 dhe 20 vjeç që kishin konsumuar një pije alkoolike gjatë muajit të fundit dhe kishin marrë pjesë në pirjen e tepërt, e cila klasifikohet si konsumim i katër ose më shumë pijeve brenda dy ore.
Të dhënat u morën nga Administrata e Shërbimeve të Abuzimit me Substancat dhe Shëndetit Mendor (SAMHSA) në ShBA bazuar në Anketën Kombëtare të 2021 mbi Përdorimin e Drogës dhe Shëndetin, raporton “FoxNews”.
Studimi përcaktoi se shteti i Vermontit ka prevalencën më të lartë të përdoruesve të alkoolit midis moshës 12 dhe 20 vjeç.
Gati 25 për qind e të miturve në këtë shtet kishin konsumuar alkool dhe më shumë se 14 për qind kishin tejkaluar normën, ndërsa shtetet e tjera me norma të larta përfshijnë Rhode Island, New Hampshire dhe Massachusetts.
Në krye të 10-ëshes janë shtetet e Oregon, Iowa, Wisconsin, Colorado, Maine dhe North Dakota.
Ndërsa Misisipi ka prevalencën më të ulët të pirjes së alkoolit tek të miturit, me vetëm 9.7 për qind të të miturve që konsumojnë alkool, gjithashtu ka shkallën më të ulët të pirjes së tepërt, me vetëm 5.4 për qind, sipas studimit.
Utah është vendi i dytë më i ulët, me 11 për qind për konsumin e alkoolit dhe 6.8 për qind për pirjen e tepërt në mesin e popullsisë së mitur.
“Nuk është sekret se pirja e alkoolit te të miturit është një shqetësim i madh në ShBA, pasi mund të përbëjë disa rreziqe të rëndësishme për mirëqenien e të rinjve”, tha një zëdhënës i Revistës.
Edhe drejtori klinik i shërbimeve të varësisë, Dr. Chris Tuell, tha se nuk ishte i befasuar nga gjetjet.
