Sekretari i Jashtëm britanik, David Cameron tha se ngriti çështjen e zgjidhjes me dy shtete gjatë një bisede me kryeministrin izraelit Benjamin Netanyahu.
Cameron tha për transmetuesin libanez LBCI se pjesë e politikës së Mbretërisë së Bashkuar është se do të vijë një kohë kur do të njihet një shtet palestinez, duke përfshirë Kombet e Bashkuara.
“Kjo nuk mund të jetë në fillim të procesit. Procesi duhet të fillojë. Por nuk duhet të jetë në fund të procesit”, tha Cameron.
Netanyahu në anën tjetër ka shprehur vazhdimisht kundërshtimin e sovranitetit palestinez.
Duke folur gjatë një vizite në Liban si pjesë e një turneu rajonal, Cameron tha se Netanyahu “nuk e kishte përjashtuar plotësisht një zgjidhje me dy shtete”.
