Kryeministri çek Andrej Babish tha se është mirë që vendi i tij është pjesë e Bashkimit Evropian dhe theksoi se tërheqja e saj nga Bashkimi Evropian do të ishte vdekjeprurëse për Republikën Çeke.
Ai tha se anëtarësimi në BE i solli Republikës Çeke 741 miliardë kruna ose 28.9 miliardë euro.
Britanikët, sipas tij, vendosën për Brexit në bazë të raporteve të rreme dhe për këtë arsye nuk kishin informacione të mira, transmeton CT 24.
BE ka përparësi të jashtëzakonshme, tha kryeministri çek, duke shtuar se në të njëjtën kohë çdo shtet anëtar po lufton për interesat e tij.
"Ne po luftojmë për një treg të lirë, pasi njerëzit tanë janë ende të hendikepuar: tregtarët, kompanitë tona, kompanitë e transportit, cilësia e dyfishtë e ushqimit", tha ai.
Sipas tij, Republika Çeke aktualisht nuk dëshiron futjen e euros, por dëshiron "të mbajë një politikë të pavarur financiare", transmeton KosovaPress.
Babish përmendi edhe arsye të tjera për mbajtjen e krunës - nuk dëshiron që Republika Çeke të jetë përgjegjëse për borxhet greke apo bankat italiane.
"Ne kemi financat më të mira publike. Ne jemi ekonomia më e qëndrueshme e Bashkimit Evropian sipas Bloomberg", tha kryeministri çek.
