Gjermania gjobit dy mjeke që reklamuan abortin - Bota Sot
Gjermania gjobit dy mjeke që reklamuan abortin

Evropë

Gjermania gjobit dy mjeke që reklamuan abortin

Më: 15 qershor 2019 Në ora: 07:13
Ilustrim

Një gjykatë në Gjermani gjobiti dy mjeke gjinekologe me nga 2,000 euro për reklamimin e procedurës së abortit në klinikën e tyre në Berlin.

Muaj më parë, Qeveria e Gjermanisë e hoqi një ndalesë të reklamimit të shërbimeve të abortit që datonte nga epoka naziste.

Por, ligji i rishikuar u lejon mjekëve vetëm të deklarojnë se kryejnë aborte.

Dy mjeket e kanë përshkruar edhe procedurën e “abortit pa anestezi” në një “mjedis të mbrojtur”.

Dy aktivistë kundër abortit e kanë raportuar ueb-faqen e gjinekologeve te prokurorët.

Mjeket Bettina Gaber dhe Verena Weyer thanë se planifikojnë të apelojnë kundër gjobave.

Në janar, pas disa muajsh debat, koalicioni qeveritar i Gjermanisë, i udhëhequr nga demokristianët, e ndryshoi ligjin e vitit 1933, i cili i ndalonte reklamat e abortit, me qëllim përmirësimin e të drejtave të grave.

Megjithatë, reforma nuk shkoi aq larg sa për të lejuar përshkrimet e shërbimeve të abortit që ofrohen.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...