Parlamenti Evropian zgjodhi presidentin e ri - Bota Sot
Parlamenti Evropian zgjodhi presidentin e ri

Evropë

Parlamenti Evropian zgjodhi presidentin e ri

Më: 3 korrik 2019 Në ora: 13:56
Eurodeputetët urojnë David-Maria Sassoli për zgjedhjen presidenti i Parlamentit Evropian.

President i ri i Parlamentit Evropian është italiani, David-Maria Sassoli. Pas rrethit të dytë të votimit, europarlamentarët e votuan Sassolin, si president të tyre.

Socialisti 63 vjeçar, një ish-gazetar nga Firence, ka qenë deputet në Parlamentin Evropian, për një dekadë.

Ai fitoi 345 vota në raundin e dytë të votimit, një shumicë absolute e votave të hedhura nga ligjvënësit evropianë në Strasburg.

Sassoli do ta zëvendësojë, Antonio Tajanin, si president i Parlamentit Evropian.

Image

Pas disa ditëve të negociatave intensive, krerët e BE-së, më 2 korrik, emëruan udhëheqësit e rinjë të institucioneve kryesore të BE-së.

Ministrja gjermane e Mbrojtjes, Ursula von der Leyen do të zëvendësojë Jean-Claude Juncker, si presidente e Komisionit Evropian.

Ndërkohë, shefja e Fondit Monetar Ndërkombëtar Christine Lagarde u propozua për të marrë drejtimin e Bankën Qëndrore Evropiane.

Kryeministri belg, Charles Michel u zgjodh për të zëvendësuar presidentin e Këshillit Evropian Donald Tusk, ndërsa ministri i Jashtëm i Spanjës, Josep Borrell u propozua si Përfaqësues i Bashkimit Evropian për Politikë të Jashtme dhe Siguri, duke zëvendësuar Federica Mogherini.

Shumica e nominimeve duhet të konfirmohen nga Parlamenti Europian.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...