Erdogani planifikon ta takojë Putinin në Moskë në fund të muajit - Bota Sot
Erdogani planifikon ta takojë Putinin në Moskë në fund të muajit

Evropë

Erdogani planifikon ta takojë Putinin në Moskë në fund të muajit

Më: 24 gusht 2019 Në ora: 15:51
Recep Tayyip Erdogan, Vladimir Putin

Presidenti turk, Recep Tayyip Erdogan, planifikon të udhëtojë në Moskë më 27 gusht, për ta takuar presidentin rus, Vladimir Putin.

Zyra e presidentit Erdogan ka njoftuar se takimi është vendosur pas një telefonate në mes të dy presidentëve, ku u diskutua për zhvillimet në Siri.

Kremlini zyrtar theksoi se Putin dhe Erdogan janë pajtuar gjatë bisedës për të shtuar përpjekjet që të qetësohet situata në provincën Idlib, ku dhuna ka detyruar dhjetëra mijëra persona të ikin nga vendi.

Turqia deri më tash ka pranuar më shumë se 3,6 milionë refugjatë nga Siria që nga konflikti në mars të vitit 2011.

Që nga fundi i muajit prill, Qeveria e Sirisë dhe ushtria e Rusisë kanë bombarduar provincën Idlib – bastionin e fundit të forcave që kundërshtojnë regjimin e Asadit.

Rusia dhe Turqia mbështesin palë të ndryshme në këtë konflikt.

Rusia kishte ndihmuar pas lansimit të fushatës ajrore ndaj presidentit sirian si dhe kishte rritur prezencën ushtarake në Siri më 2015.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...