Katër njerëz janë vrarë në Ukrainën jugore pasi një zjarr shpërtheu në një njësi spitali për pacientët me COVID-19.
Ministria e Brendshme e Ukrainës. Njoftoi se një mjek i ri dhe tre pacientë vdiqën nga flakët pavionin e kujdesit intensiv në Spitalin Klinik Rajonal të Sëmundjeve Infektive në Zaporizhia.
Dy pacientë të tjerë morën djegie dhe helmime nga produktet e djegies.
Zjarri shpërtheu pak para mesnatës së të enjtes në katin përdhes të spitalit pesë katësh, ku pacientët po trajtoheshin nga simptoma akute të frymëmarrjes prej COVID-19.
Shërbimet e urgjencës mbërritën në vendin e ngjarjes dhe menjëherë punuan për evakuimin e tetë personave nga flakët, përfshirë dy pacientë të plagosur. Autoritetet thonë se zjarri u vu nën kontroll dhe u shua nga ora 00:19 me orën lokale.
Një hetim është hapur për shkelje të rregullave të sigurisë nga zjarri dhe për të përcaktuar shkakun e zjarrit.
Presidenti ukrainas Volodymyr Zelenskyy nëpërmjet një postimi në rrjetet sociale ka shprehur ngushëllimet e tij familjeve të viktimave.
Zelensky tha se gjëja më e frikshme ishte se kjo tragjedi ndodhi në spital, në një vend ku njerëzve u jepet shëndet. Ai theksoi se shteti do të jetë më vigjilent në mënyrë që të parandalojë të tilla situata në të ardhmen ".
Muajin e kaluar, të paktën 15 njerëz u vranë pasi një zjarr shpërtheu në një shtëpi pensioni të parregulluar në qytetin lindor të Ukrainës Kharkiv.
Ndërkohë, në Rumaninë fqinje, një zjarr vdekjeprurës në një spitalin e Bukureshtit vrau të paktën pesë vetë javën e kaluar.
Qindra njerëz protestuan jashtë Ministrisë së Shëndetësisë të Rumanisë, duke kërkuar dorëheqjet e presidentit, ministrit të shëndetësisë, dhe shefit të urgjencave.
