Lisa Shaw, gazetare e BBC Radio ndërroi jetë për shkak të komplikacioneve të shkaktuara pas marrjes së dozës së parë të vaksinës AstraZeneca.
Në këtë përfundim ka dalë hetimi mjeko-ligjor, më shumë se dy muaj që nga rasti i saj. Lisa Shaë, e cila punonte për BBC Radio Newcastle, vdiq në moshën 44 -vjeçare në maj pasi kishte shfaqur dhimbje të forta koke një javë pasi mori dozën e parë të vaksinës.
Hetimi që pasoi doli me rezultatin se shkak i vdekjes së saj ishte mpiksja gjaku në tru, të shkaktuar nga vaksina AstraZeneca. Shaw kishte pësuar një formë tromboze që shkakton enjtje dhe gjakderdhje në tru.
Shaw, nënë e një fëmije nga Consett, mori dozën e parë të vaksinës më 29 prill. Më 13 maj ajo u dërgua me ambulancë në Spitalin Universitar të North Durham për shkak të dhimbjeve të forta të kokës, që i zgjasin për ditë me radhë.
Mjekët e diagnostikuan me mpiksje gjaku, por pavarësisht ndihmës mjekësore që iu dha ajo sërish gjeti vdekjen. Sipas studimeve britanike, mpiksjet e gjakut të llojit që i morin jetën gazetares së BBC janë raportuar pas vaksinimit me AstraZeneca në 417 raste, ku 72 prej pacientëve kanë gjetur vdekjen, nga thuajse 50 milionë doza të shpërndara në total.
