Sulmet me raketa dhe artileri ruse kanë goditur zonat përballë termocentralit më të madh bërthamor në Evropë, kanë pohuar zyrtarët ukrainas, përcjell Bota sot.
Guvernatori i Dnipropetrovsk, Valentyn Reznichenko, tha se sulmet ndodhën në zonat përtej lumit Dnieper, duke përfshirë qytetet Nikopol dhe Marhanets, secili prej tyre rreth 10 km nga uzina.
Të shtënat e rënda gjatë natës lanë më shumë se 1,500 familje në Nikopol pa energji elektrike dhe dëmtuan disa ndërtesa në Marhanets, tha guvernatori.
Ditët e fundit, frika është rritur se luftimet në afërsi të uzinës së Zaporizhzhia mund të shkaktojnë një rrjedhje rrezatimi, ku banorëve aty pranë do t'u jepen tableta jodi në rast se ndodh një gjë e tillë.
Forcat ruse pushtuan kompleksin bërthamor në fillim të luftës, ndërsa punëtorët ukrainas e kanë mbajtur atë në funksion.
Secila palë ka akuzuar në mënyrë të përsëritur tjetrën për granatimin e objektit.
