Sirenat e sulmit ajror u dëgjuan sot në të gjithë Ukrainën.
Sipas raportimeve në rrjetet sociale, ekziston mundësia që të jetë shpallur alarm mbarëkombëtar për shkak të ngritjes së mundshme të avionëve ushtarakë rusë të stacionuar në Bjellorusi.
Më herët gjatë ditës së sotme, Shtabi i Përgjithshëm i Forcave të Armatosura të Ukrainës njoftoi se forcat ruse qëlluan 33 raketa ndaj objektivave civilë në qytetin ukrainas Kherson në 24 orët e fundit.
Rusia mohon se ka shënjestruar objektiva civile në sulme.
