Presidenti rus Vladimir Putin po përdor të gjitha manovrat për të forcuar autoritetin e tij. Së fundmi Putin ka një fushatë denigruese kundër Yevgeny Prigozhin, udhëheqësit ushtarak të Grupit Wagner, i cili u rebelua kundër Kremlinit. Opinioni publik kundër Prigozhin ra ndjeshëm në ditët pas rebelimit.
Kështu që Putini nisi shpejt lëvizjet për të diskredituar imazhin publik të Prigozhin .
Putini urdhëruar që të shpërbëhet “perandoria” e biznesit të Wagner, duke përfshirë ushtrinë, fermat e trolleve në internet dhe operacionet e minierave të arit dhe mineraleve të tjera në kontinentin afrikan. Një raport i medias shtetërore ruse publikoi pamjet nga bastisja e shtëpisë së Prigozhin në Shën Petersburg. Në video shfaqeshin armët, para, tulla ari, paruke dhe pasaporta të shumta në një hapësirë të mbushur me orendi të zbukuruara, pishinë të brendshme dhe helikopter jashtë.
Këto lloj lëvizjesh kanë për qëllim të diskreditojnë imazhin e Prigozhin në publik, të cilin e sheh si një luftëtar në vijën e parë të luftës së Rusisë në Ukrainë, i cili i ka quajtur gjeneralët rusë si të paaftë dhe të korruptuar.
"Të tregosh pasurinë që ka Prigozhin është një mënyrë për të nënvlerësuar mesazhin e tij anti-elitar mes popullatës", tha Mary Glantz, këshilltare e lartë për Qendrën Rusi dhe Evropë për Institutin e Paqes të Shteteve të Bashkuara.
Ndërsa Kremlini fillimisht tha se akuzat penale kundër Prigozhin do të hiqeshin në këmbim të internimit të tij në Bjellorusi, kreu i grupit mercenar duket të jetë në Rusi .
Sondazhi nga qendra Levada me bazë në Rusi dokumentoi se favorizimi publik i Prigozhin ra përgjysmë - nga rreth 58 përqind në 30 përqind, në ditët e para pas tentativës për kryengritje. Sondazhet shënuan 22 për qind të favorizimit të Prigozhin në fillim të korrikut.
Denis Volkov, drejtor i qendrës Levada, tha se firma e sondazheve ishte në mes të një sondazhi mujor derë më derë dhe kjo u dha atyre një pasqyrë unike se si opinioni publik ndryshonte nga një ditë në tjetrën.
Shumica e të anketuarve duket se kanë mësuar për kryengritjen e Prigozhin nga komentet e Putinit ose burimeve të tjera qeveritare dhe pasi ajo u zgjidh gjerësisht, duke ndikuar në pikëpamjet e tyre negative për liderin Ëagner, shkroi Volkov në një analizë .
Volkov tha se sondazhet e tyre gjetën pak dëme në reputacionin e Putinit.
Teksa kritikat, kundërshtimet, mosmarrëveshjet dhe debatet janë të pranishme në mjedisin mediatik rus, ato shpesh zbehen ose minohen nga një përpjekje më e fortë, e mbështetur nga qeveria për të promovuar propagandën dhe për të mbjellë konfuzion dhe mosbesim.
"Rusia bën një punë të mirë për të ndryshuar temën ... kjo është diçka që ata bëjnë shpesh dhe kështu është më shumë si kaos informativ", tha Jonathan Teubner, themeluesi dhe CEO i Filter Labs, i cili po përdor inteligjencën artificiale përmes komunikimeve online në Rusi për të gjurmuar opinionin publik.
Ndërsa kaosi informativ shërben për të dekurajuar publikun nga mobilizimi i një opozite të bashkuar, ai gjithashtu ka të metën e dobësimit të përpjekjeve për të organizuar mbështetjen.
"Ajo që ne po shohim tani është se ata ndoshta duhet të motivojnë popullsinë e tyre për të besuar diçka, ose për të bërë diçka. Ata nuk kanë një udhëzues tjetër lojërash," tha Teubner.
Inteligjenca perëndimore tha se rebelimi i Prigozhin, i cili u nisi dhe u ndërpre për 36 orë kaotike ka paraqitur sfidën më serioze ndaj sundimit prej dy dekadash të Putinit në Rusi.
Por SHBA-ja, aleatët dhe ekspertët janë përmbajtur në parashikimin e rënies së shpejtë të liderit rus nga pushteti.
“Njerëzit do të flasin për këtë se Putini është i dobët dhe pse nuk e ndoqi atë që tha, por ka një histori që ai ka marrë këto qasje më pak të drejtpërdrejta për zgjidhjen e sfidave,” tha Peter Shroeder, një ish-zyrtar i lartë i inteligjencës amerikane.
Putin bëri një fjalim të rrallë televiziv publik në orët e para të rebelimit të Prighozin duke premtuar se do të ndëshkonte kryengritësit dhe duke i përshkruar aktet si tradhti dhe terrorizëm.
Por me ndërhyrjen e liderit autoritar bjellorus Aleksandër Lukashenko, Putini tërhoqi kërcënimet e tij publike, duke thënë se Prigozhin dhe banda e tij e mercenarëve mund të strehohen në Bjellorusi.
Schroeder e quajti episodin "goditës", duke shtuar se Putini mund të përballet me pasoja për moszbatimin e fjalëve të tij.
“Putinit mund të mos kujdeset për perceptimet dhe të besojë se përmes kontrollit të medias shtetërore, ai mund të kontrollojë narrativën. Por, mënyra sesi elitat e shohin Putinin ka rëndësi; ka rëndësi se si do të veprojnë në të ardhmen”, tha ai.
Glantz shprehet se Putini po tregohet i kujdesshëm, duke kryer hakmarrjen ngadalë duke i hequr pasurinë, armët dhe pushtetin Prigozhin dhe duke u shprehur si më i angazhuar në menaxhimin e shtetit.
"Është një lloj manovre e njohur i lojërave. Unë mendoj se ai do të demostrojë se po merr vendime dhe të tregojë se nuk aq i dobët apo i paaftë sa duket."-tha ajo.
