Duke ndarë një mesazh në rrjetet sociale në llogarinë e tij zyrtare, presidenti turk Rexhep Tajip Erdogan kritikoi ashpër administratën izraelite, duke theksuar në fjalët e tij: “Në vend që të korrigjojë gabimet e saj dhe të demonstrojë racionalitetin e një shteti, administrata izraelite po sillet sikur të ishte një entitet i ndikuar nga aktorë të jashtëm . Është e qartë se siguria nuk mund të arrihet përmes vrasjes së fëmijëve, grave, civilëve dhe bombardimeve të spitaleve, shkollave, xhamive dhe kishave. Paqja nuk mund të arrihet përmes mizorisë.”
Në deklaratën e tij në rrjetet sociale, Erdogan bëri komentet e mëposhtme:
“Zgjerimi i sulmeve në Gaza nuk do të sjellë asgjë tjetër përveç më shumë dhimbje, vdekje dhe lot.
Duke vrarë fëmijë , gra dhe civilë, është e qartë se siguria nuk mund të sigurohet duke bombarduar spitalet, shkollat, xhamitë dhe kishat. Paqja nuk mund të arrihet me mizori.
Në vend që të korrigjojë gabimet e saj dhe të veprojë me arsyetimin e një shteti, administrata izraelite po sillet sikur të ishte një entitet i nxitur nga aktorë jorajonalë.
Rajoni ynë urgjentisht duhet të shpëtohet nga kjo çmenduri, e nxitur nga vendet perëndimore dhe e legjitimuar nga organizatat mediatike perëndimore.
Ftoj të gjitha shtetet dhe organizatat ndërkombëtare që të mbështesin me gjithë zemër përpjekjet për vendosjen e një armëpushimi humanitar në Gaza sa më shpejt të jetë e mundur.
Përsërit thirrjen tonë drejtuar izraelitëve, administrata të përmbahet nga zgjerimi i fushës së sulmeve kundër civilëve dhe të ndalojë menjëherë operacionet e saj, të cilat përbëjnë gjenocid.
Ne besojmë se rajoni ynë mund të arrijë stabilitet të qëndrueshëm duke vendosur mekanizma të rinj që garantojnë sigurinë e muslimanëve, hebrenjve, të krishterëve dhe të gjithëve me banim në këto troje.
Turqia do të vazhdojë të luajë rolin e saj në parandalimin e gjakderdhjes së mëtejshme të pafajshme, shmangien e tragjedive humanitare dhe zgjidhjen e konflikteve në Palestinë para se të arrijnë një pikë pa kthim.”
