“Fermat Organike Sakellaropoulos” u nderua me çmimin e rrallë "Prodhuesi më i mirë evropian i ullirit", nga Këshilli Evropian i Gastronomisë dhe Enologjisë (CEUCO).
Për vitin 2023, Kongresi i 20-të i CEUCO-s u përmbyll me shumë sukses dhe pjesëmarrje në qytetin e Castellion, Valencia, Spanjë, midis 27 dhe 29 tetorit.
Konferenca vjetore CEUCO është një pikë e rëndësishme referimi për Gastronominë Evropiane, pasi vende evropiane si Franca, Italia, Spanja, Greqia, Portugalia, Belgjika dhe Hungaria marrin pjesë, ndërsa anëtarët e CEUCO janë mbi dhjetë mijë, me qëllim të përhapjes së dimensioneve kulturore, historike dhe cilësore të gastronomisë.
Për vitin 2023, prodhuesi më i mirë evropian i ullirit u shpall kompania "Sakellaropoulos Organic Farms", nga Greqia dhe Sparta, të cilët u nderuan me titullin “BEST EUROPEAN ORGANIC OLIVE PRODUCER 2023”, duke fituar vendin e parë nga anëtarët e CEUCO.
Është shumë e rëndësishme të theksohet se është hera e parë që një prodhues ulliri nga ndonjë vend europian shpërblehet.
Në konferencën e këtij viti në Spanjë, qindra delegatë nga e gjithë Evropa, kuzhinierë, ekspertë, shijues por edhe prodhues, hotelierë, restauratorë dhe të ftuar të CEUCO-s morën pjesë dhe shijuan produktet me vlerë të çdo vendi.
