Zgjedhjet komunale në Turqi vazhdojnë që nga ora 7 e mëngjesit, me interesin e analistëve ndërkombëtarë të përqendruar në Stamboll, ku garojnë kryebashkiaku aktual Ekrem Imamoglu dhe i zgjedhuri i presidentit Erdogan, Murat Kurum.
Fakti që shumë e shohin këtë përballje si një “duel” mes presidentit turk dhe Imamoglu nuk është i rastësishëm. Vetëm në 48 orët e fundit, Erdogan organizoi gjashtë mitingje parazgjedhore, të gjitha në Stamboll, ndërsa pak orë para hapjes së qendrave të votimit ai u lut në Hagia Sophia i shoqëruar nga Kurum.
Një detaj që ra në sy për procesin vendimtar të zgjedhjeve të sotme është gjatësia e votimit për Bashkinë Metropolitane të Stambollit. Fotot tregojnë votuesit dhe anëtarët e komisioneve zgjedhore duke mbajtur fletën e votimit… të gjatë, e cila, sipas faqes turke Duvar, është pothuajse një metër e gjatë!Sipas raportit të Duvar, votuesit në Stamboll kanë katër fletë votimi të veçanta, për bashkinë metropolitane, bashkitë rajonale, këshillin e qytetit dhe kryetarët e lagjeve. Votimi i Bashkisë Metropolitane të Stambollit përfshin 22 kandidatë partiakë dhe 27 kandidatë të pavarur. Radha e paraqitjes së kandidatëve u përcaktua me shortin e mbajtur më 31 janar.
Fleta më e vogël e votimit në zgjedhjet e sotme komunale me vetëm 4.5 centimetra është ajo e komunës Hilal në provincën lindore të Sirnakut, ku ka vetëm një kandidat, nga partia në pushtet AKP.
Seniors say this knee brace is an instant knee pain reliever!C
Stambolli, me 16 milionë banorët e tij zyrtarisht, ndoshta edhe 20 milionë jozyrtarisht, është më i madhi në popullsi se 131 vende në botë, prodhon 30 deri në 40% të PBB-së së Turqisë, menaxhon një buxhet të madh dhe zotëron “filetat” më të shtrenjta të pasurive të paluajtshme në vend.
