Të paktën 2 persona humbën jetën dhe 15 të tjerë u plagosën për shkak të motit të keq në kryeqytetin rus Moskë, thanë autoritetet lokale.
“Moti i keq goditi Moskën me erëra të forta me ndryshime të temperaturës … Fatkeqësisht, pati viktima. 17 viktima, dy prej tyre vdiqën,” tha kryebashkiaku i Moskës Sergej Sobyanin në Telegram.
Sobyanin shtoi se parqet e mëdha dhe vendet e tjera të hapura publike në Moskë u mbyllën menjëherë ndërsa mesazhet paralajmëruese u shfaqën në ekranet e qytetit dhe tabelat.
Erërat në qytet arritën më shumë se 76 kilometra në orë (47 milje në orë) dhe u morën “të gjitha masat paralajmëruese në kohë”, tha ai.
“Të gjithë viktimave po iu ofrohet kujdesi i nevojshëm mjekësor. Në këtë orë shërbimet e qytetit po ndërmarrin veprime të shpejta për të përballuar situatën,” shtoi Sobyanin.
