Një këshilltar i presidentit turk, Erdogan, ka paralajmëruar Greqinë se “do të përfundojë në katastrofë” nëse hyn në luftë me Ankaranë.
“Greqia do të përfundojë në katastrofë brenda 3 ose 4 orësh nëse hyn në luftë me Turqinë”, është shprehur Yigit Bulut.
Ai është shprehur më parë se Greqia përbën sfidë për Turqinë, pasi do të ishte njësoj sikur “një mizë të hynte në betejë me një gjigant”.
Komentet e Bulut vijnë në një momet kur janë rritur tensionet mes Turqisë dhe Greqisë.
Më herët gjatë këtij muaji, Turqia u përplas me Athinën për përdorimin e një fregate ushtarake për të kapur një anije turke kërkimi dhe eksplorimi “Barbaros Hayreddin Pasa”, në Mesdhe.
Ushtria greke kërkoi që anija të tërhiqej, duke pretenduar se i mungonte autorizimi për të eksploruar zonën kontinentale grek.
#Greece will totally end up in a catastrophe within three to four hours if it wages a war against #Turkey, claims Turkish president chief aide Yigit Bulut who says Greek was provoked by major powers to attack on Turkey, citing frigate intercept incident in Mediterranean. pic.twitter.com/Q6NZlJngDA
— Abdullah Bozkurt (@abdbozkurt) October 26, 2018
Në mes të konfrontimit, Forcat Detare Turke, aktive në zonë, nxituan për të mbrojtur anijen, duke çuar në përplasje diplomatike midis fqinjëve pas takimit.
