Juncker: BE'ja nuk është në luftë me Italinë - Bota Sot
Juncker: BE'ja nuk është në luftë me Italinë

Evropë

Juncker: BE'ja nuk është në luftë me Italinë

Më: 25 nëntor 2018 Në ora: 21:58
Jean-Claude Juncker dhe Giuseppe Conte,

Nuk ka luftë midis Bashkimit Europian dhe Italisë, deklaroi sot presidenti i Komisionit Europian, Jean-Claude Juncker, në lidhje me mosmarrëveshjen për çështjen e buxhetit të Romës.

Të shtunën Juncker organizoi një darkë pune me kryeministrin italian, Giuseppe Conte, i cili pas takimit deklaroi se shpresonte të shmangeshin sanksionet e BE-së.

Në fillim të javës, Komisioni propoi masa ligjore kundër Italisë, deri në gjoba të rënda, pasi Roma planifikon të rrisë deficitin në 2019 duke mos respektuar rregullat e disiplinës buxhetore të eurozonës.

Juncker deklaroi se darka me Conte ishte e gjallë dhe interesante. Ramë dakort për të vijuar dialogun dhe për të reduktuar qëndrimet e kundërta.

Shtetet e tjera anëtare të BE-së duhet të miratojnë propozimin e Komisionit për të ndëshkuar Italinë, gjë që mund të ndodhë në muajt e ardhshëm.

Qeveria populiste italiane përcaktoi për vitin e ardhshëm një objektiv deficiti prej 2,4% të produktit të brendshëm bruto (PBB), ose tre herë më i lartë mbi atë që ishte përcaktuar nga qeveria e mëparshme, përcjell Atsh.

Partitë populiste në pushtet në Romë vunë theksin mbi faktin që është i nevojshëm anashkalimi i rregullave fiskale të BE-së për të luftuar stanjacionin ekonomik dhe për t’iu përmbajtur premtimeve të fushatës elektorale.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...