Piloti holandez Max Verstappen siguroi “pole position” sot pasdite në pistën qytetase të Montekarlo, i vlefshëm për Cmimin e Madh të Monaco në Formula 1.
Kampioni i botës në Formula 1 dha kohën 1’11”365, duke lënë pas piloti spanjoll të Aston Martin, Fernando Alonso.
Pra, dy pretendentët për titull këtë sezon do ta nisin garën e nesërme (ora 15:00) nga vija e parë e startit, ndërkohë që sot dueluan “kokë më kokë” për kohën më të mirë. Diferenca mes tyre ishte vetëm 84 të mijëtat.
Në vendin e tretë u rendit Charles Leclerc me Ferrari.
Kjo është hera e parë që Verstappen siguron “pole” në këtë pistë. Surprizë koha e katërt e Esteban Ocon (Alpine), që la pas spanjollin Carlos Sainz me Ferrari (i pesti) dhe britanikun Lewis Hamilton me Mercedes (i gjashti). Në “top-10” u klasifikuan edhe Gasly, Russell, Tsunoda e Norris.
