Pas aksidentit të frikshëm në Katalonjë, Francesco Bagnaia është rikthyer dhe duket se ka kaluar frikën e momentit. Binder e shkeli në këmbë italianin, por për fat të mirë nuk u bë fjalë për një dëmtim të rëndë dhe Bagnaia tashmë pret konfirmimin e mjekëve për t’u rikthyer në pistë ndërsa ka nisur provat.
Së fundmi, kampioni i Botës në fuqi u shpreh se u ndje mirë në provat e para pas aksidentit dhe shtoi se tashmë po kërkon të shijojë momentin dhe jo të shpejtojë kohën e rikthimit në pistë.
“Jam shumë i lumtur, për mua ishte një nga ditët më të bukura.
Nuk ishte e lehtë sepse kisha vështirësi për të lëvizur normalisht këmbën në motor dhe u desh të ndryshoja pak stilin e të pilotuarit.
Megjithatë, ndjesia është pozitive dhe regjistrova kohë të mirë. Tani nuk dua të mendoj shumë për garat, dua të shijoj këtë kohën e rikuperimit”, u shpreh Bagnaia.
