Lirim Gjura, i cili tash e disa vjet jeton në Itali, padyshim që është ndër garuesit më të mirë shqiptarë në drift
Anëtari i nderit të Prishtina Racing Team, është në prag të një sfide shumë serioze, pjesëmarrjes në finalen Botërore të Red Bull Car Park Drift, e cila mbahet më 8 dhjetor 2023 në Doha të Katarit.
"Besoj se eksperienca ndërkombëtare ndër vite dhe makina që kam përgatitur, do të ma mundësojnë që të jem fitues i garës kualifikuese dhe përfaqësues i Shqipërisë në garën në Katar", është shprehur Gjura.
Lirimi sapo është kthyer nga gara e Driftit në Bukuresht, ku u rendit i 3-ti në një konkurrencë të fortë me garues nga vende të ndryshme.
Në garën kualifikuese që do të mbahet më 6 dhe 7 tetor në Tiranë, ai do të garojë me veturën e tij ikonike të kësaj disipline, Nissan Silvia, me motor Toyota 2JZ, dhe me fuqi 900HP.
Piloti i cili fiton më shumë pikë dhe renditet i pari do ta ketë mundësinë të perfaqësojë Shqipërinë në finale e 8 dhjetorit.
