Zhvillime të papritura rreth së ardhmes së Franck Ribery te Bayern Munich.
Mesfushori francez ka hyrë në muajt e fundit të kontratës me skuadrën kampione të Bundesligës.
Ditëve të fundit ka pasur shumë lajme rreth një interesimi të Galatasaray për ish reprezentuesin e Francës, ofertë kjo e refuzuar nga Bayern Munich.
Sipas ‘Goal.com’, Bayern Munich tani janë të interesuar t’i hapin derën e rinovimit Ribery, kontrata aktuale e të cilit përfundon në qershor të vitit 2019.
Bayern Munich pritet t’i ofrojë kontratë një vjeçare 35 vjeçarit.
Ribery është pjesë e Bayernit që nga viti 2007, dhe në 262 paraqitje në Bundesligë ka shënuar 84 gola.
