Skuadra e futbollit Dukagjini i Klinës synon me këmbëngulje hyrjen në elitën e futbollit dhe si rrjedhojë e kësaj edhe përforcohen me futbollistë, po ashtu kanë emëruar edhe kryetrajnerin e ri. Dukagjinasit njoftojnë se ish futbollisti i mirënjohur emërohet kryetrajner i ri.
“Sot është arritur marrëveshja me trajnerin i cili do të drejtoj klubin tonë gjatë sezonit pranverorë. Nazmi Rama me parë ishte i angazhuar si trajner ne klubin e Trepçës, dhe Istogut, ndërsa është edhe ndihmëstrajner i Kombëtares së Kosovës U-19”, bëhet e ditur nga klubi.
Po ashtu Edmond Turku vishet bardh e gjelbërt. “Edhe ne mbrojtje kryesia jonë ka sjell një emër të ri i cili ka një bagazh të bujshëm ne Superligën e Kosovës, bëhet fjalë për Turkun. Dikur pjesë e Trepçës ‘89, dhe të ekipi Gjilanit, ndërsa sezonin vjeshtor ishte pjesë e Besës nga Peja”, bëhet e ditur nga FC Dukagjini.
