“Los Blancos”, duan të investojnë në repartin defansiv.
Eder Militao pëlqehet nga shumë klube anembanë Evropës.
20-vjeçari, i transferuar në Portugali verën e shkuar nga Sao Paolo për 4 milionë euro, ndiqet nga ekipet më të mira të Premier Ligës si dhe nga Real Madridi.
Pikërisht këta të fundit raportohet se kanë vendosur që të paguajnë klauzolën e largimit të mbrojtësit, e cila është 50 milionë euro.
Sipas medieve portugeze, Porto nuk dëshiron që të humbasë shërbimet e brazilianit për një shumë të tillë, ndaj dhe presidenti i klubit insiston që mbrojtësi të rinovojë sërish, duke rritur edhe vlerën e klauzolës në 75 milionë euro.
Megjithatë te Reali janë duke punuar që ta bindin lojtarin për t’u transferuar në Bernabeu, para se ai ta nënshkruajë këtë kontratë.
