Ndërkaq, sot (13.00) në Gjilan do të ballafaqohen Gjilani dhe Flamurtari, dy skuadra që synojnë të janë në katërshen e parë, por në anën tjetër të jenë sa më larg skuadrave të rrezikuara. Futbollisti i Flamurtarit, Veton Kabashi, tha se është një sfidë mjaft e vështirë.
Pas fitores kundër Prishtinës, si e sheh Kabashi ekipin e Flamurtarit kundër Gjilanit? “Pas asaj ndeshje të mirë Flamurtari edhe kundër Gjilanit është i motivuar dhe jemi me këmbë në tokë”, thotë Kabashi. Sipas tij, Flamurtari ka ekip shumë të mirë: “Kompaktësia dhe lufta e Flamurtarit janë përparësitë tona këtë sezon”.
A jeni komplet dhe a jeni në presion? “Vijmë nga një lojë e mirë kundër Prishtinës, të cilën do të mundohem të vazhdojmë, kështu që presion nuk kemi”, tha Kabashi. Në taborin e Gjilanit janë optimistë se do të ia dalin që të shënojnë fitore. Gjilani është në pozitën e katërt me 27 pikë, ka dy më shumë se ‘flamurtarët’ që janë dy pozita më poshtë.
Sot do të zhvillohen edhe dy ndeshje tjera dhe që priten me emocione, si ajo në stadiumin “Bajram Aliu” në Skenderaj, ku Drenica ndeshet me Ferizajn dhe Ballkani në Therandë kërkon tri pikë në duel me të fundosurin KEK-un. Të dielën në stadiumin “Fadil Vokrri” në Prishtinë, ndeshen rivalët e vjetër Prishtina dhe Liria e Prizrenit, kurse kampioni në fuqi Drita do të luajë në “Riza Lushta” kundër Trepçës ’89.
Superliga - java e 19-të
E shtunë
Drenica-Ferizaj
Gjilani-Flamurtari
Ballkani-KEK-u
E diel
Feronikeli-Llapi
Trepça ’89-Drita
Prishtina-Liria
Ndeshjet fillojnë në orën 13.00
Liga e Parë – java e 17-të
E shtunë
Ramiz Sadiku-Dukagjini
Trepça-Fushë Kosova
E diel
Onix-Drenasi (në Istog)
Vëllaznimi-2 Korriku
Arbëria-Vushtrria (në Lipjan)
Kika-Bashkimi
Vllaznia-Istogu
Vitia-Besa
Ndeshjet fillojnë në orën 13.00