Neymar ka përjetuar rëndë eliminimin e Paris Saint Germain nga Liga e Kampionëve.
Sulmuesi brazilian nuk ka mundur të paraqitet në fushë shkaku i lëndimit, por e ka ndjekur nga afër ndeshjen e zhvilluar në ‘Parkun e Princave’, e fituar 1:3 nga Manchester United.
Ish ylli i Barcelonës është shfaqur i zhgënjyer në momentet e fundit të ndeshjes, derisa shihte skuadrën e tij që po eliminohej nga Liga e Kampionëve.
Neymar pas ndeshjes nuk ka mundur të përmbahet nga deklaratat, duke ofenduar edhe gjyqtarët.
Kujtojmë se ky është viti i dytë radhazi që PSG nuk arrin të siguroi kalimin në çerekfinale.
