Fiorin Durmishaj nuk është grumbulluar nga trajneri grek Angelos Anastasiadis, për ndeshjet që helenët do të luajnë kundër Lihteshtajnit dhe Bosnjes.
Në Greqi e prisnin me padurim Durmishajn, pasi është një ndër sulmuesit më në formë për momentin në kampionatin grek me 11 gola të shënuar.
Siç raporton “nova-sport.fm”, shkaku për mosgrumbullimin e tij është Federata Shqiptare e Futbollit.
Në artikullin e tyre shkruhet: “Vlen të theksohet se për Durmishajn nuk është dorëzuar ende një dokument i domosdoshëm nga Federata Shqiptare e Futbollit, në mënyrë që të fitohet e drejta e grumbullimit me kombëtaren greke. Ai do të thirret për bardhekaltrit në ndeshjet e së ardhmes”.