Mesfushori i Liverpool, James Milner, beson se skuadra e tij ka nevojë të fitojë një trofe për të vërtetuar se janë përmirësuar si klub, krahasuar me sezonet e kaluara.
‘The Reds’ aktualisht janë në garë për titullin e Premierligës, me skuadrën e Manchester City, por janë akoma në garë edhe në Ligën e Kampionëve.
“Ne e dimë se jemi përmirësuar këtë vit, kështu që mendoj se e vetmja gjë që ka mbetur është të fitojmë një trofe” ka thënë Milner.
“Ne e dimë se mund të mposhtim top skuadrat, mund të mposhtim secilin në ditët tona” ka thënë tutje anglezi.
Liverpool do të ketë një test shumë të vështirë në garën e saj në Premierligë, kur të dielën do të përballet me skuadrën e Tottenham Hotspur.
