Trajneri i Barcelonës ka pranuar që skuadra e tij varet shumë nga Lionel Messi.
Ernesto Valverde ka folur pas ndeshjes që ekipi i tij barazoi 4-4 në udhëtim ndaj Villarrealit.
Sipas trajnerit të Barçës, hyrja në lojë e Lionel Messit, ndryshoi gjithçka, pasi të gjithë janë të varur nga argjentinasi, që mbrëmë realizoi një super gol nga gjuajtja e lirë.
“Sigurisht që ne varemi nga Messi. Ai është shumë i rëndësishëm për ne”, deklaroi Valverde. “Gjithsesi ne arritëm të shënonim dy gola në fillim pa të në fushë”.
“Ishte një ndeshje e çmendur. U duk sikur do të fitonim lehtë. por më pas gjithçka u komplikua”. “Ne nuk arritëm të bënim presingun e duhur dhe ata përfituan nga kundërsulmet”, theksoi ai.