Reprezentuesi i Kosovës, Bersant Celina, dhuroi lojë jashtëzakonisht të mirë për Swansean e cila si vendas triumfoi me rezultat 3:1 kundër Middlesbrough-it, në ndeshjen e vlefshme të Championship (liga e dytë angleze). Futbollisti shqiptar u angazhua maksimalisht dhe asistoi në golin dytë dhe të tretë, që ndihmuan skuadrën në fitoren bindëse. Celina u paraqit tërë takimin dhe ka qenë ndër më të mirët e kësaj sfide.
Për vendasit shënuan: Grimes (34’-nga penalltia), Routledge (38’) dhe Roberts (71'), kurse për mysafirët realizoi Saville (80').
Pas 40 jave të zhvilluara Middlesbrough renditet në vend të tetë me 58 pikë, ka pesë me shumë se Swansea në pozitën e 13-të.