Guardiola: Ja dy skuadrat më të mira që kam hasur si trajner - Bota Sot
Guardiola: Ja dy skuadrat më të mira që kam hasur si trajner

Futboll

Guardiola: Ja dy skuadrat më të mira që kam hasur si trajner

Më: 6 maj 2019 Në ora: 09:59
Pep Guardiola

Nëse Manchester City do ta mbrojë titullin e Premier League, kjo do të jetë një nga arritjet më të mëdha në karrierën e tij.

Kështu thotë Pep Guardiola. “Qytetarët” do të presin në shtëpi Leicester City të hënën, duke e ditur se fitorja do t'i kthejë përsëri në krye të klasifikimit, më mirë se Liverpool, përpara sfidës së fundit të këtij kampionati, të dielën e ardhshme.

Nëse do ta fitojë titullin, skuadra e Pep do të jetë e para, që e mbron kurorën, qyshkurse rivalët e Manchester United e bënë këtë në vitin 2009. Duke e përshkruar Liverpool si një nga skuadrat më të mira të dekadës së fundit, Guardiola tha: "Arritja në këtë fazë, dy ndeshje para fundit, me 92 pikë, pas 100 pikëve të sezonit të kaluar, është kënaqësia më e madhe që kam pasur si trajner.

Nuk është e lehtë, e them me ndershmëri, që në karrierën time si trajner, të kem luajtur kundër rivalësh të pabesueshëm. Njëra është Barcelona, me Luis Enrique në stol, me lojtarë si Neymar, Lionel Messi dhe Luis Luis Suarez. Tjetri është ky Liverpool. Unë mendoj se janë dy skuadrat më të mira, me të cilat jam ballafaquar si trajner, prandaj jemi këtu, me këmbët tona, duke luftuar kundër tyre deri në fund".

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...