Trajneri i mirënjohur kosovar, Ismet Munishi beson se Mërgim Pefqeli duhet të luajë më shumë në formacionin titullar tek Prishtina.
Mesfushori i Prishtinës, Mërgim Pefqeli ka realizuar tre gola në minutat e fundit në këtë edicion (KEK-u, Gjilani dhe Llapi), me ç’rast po i ndihmon kryeqytetasit në luftën për titull.
Munishi beson se Pefqeli duhet të luajë nga minuta e parë në ndeshjet e klubit të Prishtinës.
“Mërgim Pefqeli është ai që po e vendos ndeshjen në minutat e fundit, është një lojtar shumë i mirë. Mos inkuadrimi i Pefqelit në lojë, tregon për lojën defansive që e zhvillon Josa. Pefqeli është mesfushor që driblon, që krijon epërsi në fushë, por është një lojtar që duhet të luajë tek Prishtina”, tha fillimisht Munishi për SportsShow.
“Klubi i Prishtinës duhet të ketë më shumë lojtarë si Pefqeli – që janë kreativ. Arago dhe Bashiru janë dy mbrojtës të majtë dhe nuk më pëlqen kjo gjë, pasi të dy luajnë në një pozitë”, përfundoi ai.