De Ligt çmend tifozët me një "like": Do të vijë te ne! - Bota Sot
De Ligt çmend tifozët me një "like": Do të vijë te ne!

Futboll

De Ligt çmend tifozët me një "like": Do të vijë te ne!

Më: 25 maj 2019 Në ora: 16:07
Matthijs de Ligt

Mjafton pak, shumë pak për të ndezur ëndrrat e tifozëve. Mjafton një klikim i shpejtë mbi një zemër të vogël dhe e ardhmja merr konture të mrekullueshme. Sepse, në fund të fundit, të qenit tifoz është fe dhe nëse ke besim, ia vlen të jesh optimist. 

Kështu, tifozët e Manchester United janë praktikisht të sigurt tani se kampioni i Ajax-it, Matthijs de Ligt, një nga lojtarët më të kërkuar në merkato, do të bashkohet shumë shpejt me ekipin e Solskjaer. 

Arsyeja për këtë bindje është e thjeshtë: një like i bërë postimit të Rio Ferdinand në Instagram, në të cilin ish-mbrojtësi i "Djajve" kujtonte triumfin e 2008-ës në Champions League.  

Duke lënë mënjanë zemrat e Instagram-it, klubi anglez është hedhur në sulm për holandezin në ditët e fundit, duke kërcënuar seriozisht Barcelona-n, që dukej se ishte skuadra favorite për të siguruar shërbimet e 19-vjeçarit. 

Pak kohë më parë, De Ligt e ka komentuar me   këto fjalë interesimin e  të mëdhave të futbollit për të: "Nuk kam marrë akoma një vendim, për momentin mendoj vetëm për Ajax-in. Sa vlej? Besoj se do të kushtoj më pak se De Jong (75 milionë euro), mesfushorët vlejnë më shumë se mbrojtësit".

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...