Andis Shala, djali i Kujtimit, firmos për ekipin e Kickers Offenbach, që garon në ligën rajonale të Gjermanisë, në grupin jug-perëndimor. Shala, në edicionin e fundit ka luajtur për Rot-Weiss Erfurt, ndërsa që nga edicioni ri është në ekipin Offenbach, e cila pretendon rikthimin në ligën e tretë.
Sipas faqes së klubit gjerman, futbollisti nga Kosova ka nënshkruar kontratë deri në vitin 2021. Shala, një sulmues me përvojë, vlerësohet si përforcim ideal. Ai është i gjatë 191 centimetra, ndërsa deri me tash ka luajtur për VFR Mannheim, Dundee United, Chemnitzer, Carl Zeiss Jena, BFC Dynamo, SV Babelsberg dhe Erfurt.