Milan duket se do të synojë edhe një tjetër lëvizje gjatë afatit kalimtar të verës.
Skuadra nga ‘San Siro’ raportohet se ka nisur bisedimet për transferimin e mundshëm të yllit argjentinas, German Pezzella.
Sipas medieve italiane, agjenti Martin Guastadisengo ka diskutuar për Pezzella gjatë një takimi me ‘Rosonerët’, ditën e mërkurë.
Problemi kryesorë duket të jetë shuma me të cilën Viola po e vlerëson lojtarin. Ajo shifër prek 20 milionë euro.
27 vjeçari ka qenë startues i rregullt me skuadrën nga Serie A qysh kur erdhi nga Real Betis në vitin 2017.
Milan po kërkojnë për një lojtar të fazës defensive, pasi nuk arritën të sigurojnë Ozan Kabak si dhe nuk përballuan shumën e kërkuar për Dejan Lovren.