Icardi përjashtohet nga Interi - Bota Sot
Icardi përjashtohet nga Interi

Futboll

Icardi përjashtohet nga Interi

Më: 13 korrik 2019 Në ora: 21:20
Mauro Icardi

Mauro Icardi mund të llogaritet si i larguar nga Interi pas zhvillimeve të fundit, ndërmjet lojtarit dhe klubit nerazzur.

Një ditë më parë, drejtori i skuadrës Marotta kishte thënë se sulmuesi argjentinas nuk bën pjesë në planet e zikaltërve, ndërsa të shtunën Icardi ka lënë grumbullimin në Lugano dhe është kthyer në Milano.

Lajmin e ka dhënë klubi në një deklaratë, ku thuhet se sulmuesi bashkë me drejtuesit e skuadrës kanë vendosur që Icardi të kthehet në Milano dhe të vazhdojë përgatitjet i vetëm, transmeton “Sporti në KTV”.

“Mauro Icardi do të kthehet sot në Milano. Vendimi është marrë nga klubi bashkë me futbollistin. Ai do të vijojë përgatitjet atletike në qendrën stërvitore të klubit dhe nuk do të marrë pjesë në turneun veror aziatik”, thuhet në njoftimin e klubit.

Ky fakt konfirmon edhe njëherë se Icardit nuk i mbetet gjë tjetër, veçse të kërkojë për një tjetër skuadër, me Juventusin që është më së afërmi sulmuesit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...