De Ligt zgjedh numrin te Juve, legjenda bardhezi i kujton sa vlen ajo fanellë - Bota Sot
De Ligt zgjedh numrin te Juve, legjenda bardhezi i kujton sa vlen ajo fanellë

Futboll

De Ligt zgjedh numrin te Juve, legjenda bardhezi i kujton sa vlen ajo fanellë

Më: 14 korrik 2019 Në ora: 19:01
Matthijs de Ligt

Pas ditësh të ethshme negociata, fillimisht me lojtarin dhe menaxherin e tij, Mino Raiola; pastaj me Ajax, Juventusi i ka siguruar shërbimet e Matthijs de Ligt. 19-vjeçari holandez ishte më i kërkuari në merkaton e kësaj vere, teksa Barcelona dhe PSG bënë gjithçka për ta bërë të vetin. Nesër pritet të kryejë vizitat mjekësore te kampionët e Italisë.

Deklarata e Ajax, që e linte jashtë listës së lojtarëve të grumbullimit e përgatitores në Austri, vërtetonte se diskutimet mes bardhezinjve dhe klubit të njohur holandez po shkonin drejt akordit total. Kontratat janë gati të detajohen plotësisht, bashkë me format e pagesës. Marrëveshja mes dy klubeve është arritur për 75 milionë euro. De Ligt do të nënshkruajë me “Zonjën e Vjetër” një kontratë 5-vjeçare, me pagë 12 milionë euro në sezon, dhe një klauzolë lirimi prej 150 milionë euro.

Lojtari pritet në Torino nesër. Sipas gazetës "Gazzetta dello Sport", ai do të mbajë në fanellë numrin 4, të njëjtin si në Holandë. Ky numër, fatmirësisht, ishte i lirë te bardhezinjtë, sepse në sezonet e fundit i përkiste së pari Benatia dhe më vonë Caceres. Në të kaluarën, gjithashtu, kujtojmë se këtë fanellë e kanë veshur edhe lojtarë të tillë si Montero, Vieira dhe Felipe Melo.

Më i famshmi, që e ka mbajtur numrin 4 te Juventusit, është Beppe Furino, i cili ka një mesazh të qartë për holandezin: "Nëse De Ligt e zgjedh atë, atëherë numri do të jetë në duar të sigurta. Ai më kujton më shumë Giancarlo Bercellino, një tjetër legjendë me numrin 4, në vitet 1960. De Ligt është një goditje e jashtëzakonshme, por mos harroni se ky numër e ka një histori: 4 do të thotë luftë dhe djersë, pastaj Juventus".

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...