Para pak ditësh Real Madridi humbi për dëmtim mjaft të rëndë mesfushorin Marcos Asensio, i cili nuk do të luajë deri pranverën e ardhshme, pas këputje së ligamentit gjatë turneut miqësor në Amerikë.
Tani Reali merr një tjetër lajm të hidhur, sepse është dëmtuar edhe mbrojtësi Ferland Mendy.
Mbrojtësi i blerë me bujë nga Lyon në verë dhe që mendohet se do jetë pasardhësi i Marcelos tani e tutje ka pësuar një dëmtim muskulor në miqësoren e fundit, kundër Arsenalit.
Për pasojë, francezi do të mungojë 3-4 javë, duke shtuar problemet për Zinedine Zidane, i cili në të majtë tashmë ka vetëm Marcelon.
Ditët e fundit u dëmtua edhe Brahim Diaz, i cili e ka mbyllur para kohe turneun amerikan, ndaj Reali tashmë sheh me frikë nga infermieria, sepse kampionati po afron.