Zyrtarisht është bërë e ditur nga klubi ilegal i futbollit Mokra Gora nga Zubin Potoku, se me 17 gusht do të luhet ndeshja e parë në kuadër të Ligës së Tretë të Serbisë në futboll.
Paralajmërimi i turpshëm i Mogra Gorës
“Në hapjen e kampionatit të ri, i cili fillon më 17 gusht, Mokra Gora mirëpret ekipin e Trepçës.
Mokra Gora - Trepça
Raundi i parë i Ligës Serbe – perëndim.
Stadiumi ‘Marakana e vogël’, shkruan mes të tjera në paralajmërimin e klubit serb.
Trepça fantome takohet në Zubin Potok me Mokra Gorën, madje kjo e fundit e vlerëson si derbi i madh.
Në shtetin e Kosovës vazhdojnë të organizohen garat e Serbisë!
Është e turpshme se si i lejohet Federatës së Futbollit të Serbisë, që të organizojë gara në një shtet tjetër. UEFA dhe FIFA janë paralajmëruar nga presidenti i FFK-së, Agim Ademi, për këto aktivitete ilegale, por deri me sot nuk ka asnjë reagim.
Pritet të shihet se cili do të jetë reagimi i shtetit tonë në ndeshjen e 17 gushtit në orën 17.00 që luhet në Zubin Potok, kjo është konfirmuar edhe nga vet Mokra Gora. Madje me shumë paralajmërohet, në kuadër të Serbisë!