Karriera e Hysen Memollës po merr tatëpjetën.
Pas paraqitjeve pozitive me fanellën e Hajduk Split dhe grumbullimit në kombëtaren shqiptare, kuqeziu ka pësuar vetëm rënie në karrierën e tij.
Mbrojtësi anësor pas vetëm 6 muajsh është larguar nga skuadra e Salernitanës në Serie B, për t’u transferuar në ligën e parë të futbollit finlandez ku në orët e fundit të merkatos në këtë vend ka zyrtarizuar kalimin e tij te klubi i Kokkolan PV.
Memolla ka firmosur një kontratë afatshkurtër deri në fund të këtij viti me skuadrën finlandeze por me opsion rinovimi.
Me Shqipërinë 27-vjeçari ka debutuar më 10 qershor të 2017-ës në sfidën ndaj Spanjës ndeshje të cilën kuqezinjtë e humbën me rezultatin 3:0.